Urriaren 19an egingo dute bertako produktuen azoka, Seber Altube plazan, 09:00etatik 14:00etara. Ohiko saltzaile eta produktuez gain, sagarrarekin egindako produktuak dastatzeko aukera ere egongo da, Lizagasar sagar tokiaren eskutik.
Besteak beste, sagar purea, marmelada, sagardoa eta zukua dastatu ahalko dituzte herritarrek zapatuan, azokako ogi eta gaztarekin lagunduta. Halaber, askotariko sagar barietateak eta sagarretik eratorritako produktuak egongo dira salgai. Azkenik, hamar otarre zozketatuko dituzte, sagarra protagonista dutenak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.