Buzkantza-janak eta Buzkantza Rock jaialdiak eman die hasiera Garagartzako sanmigelei. Tripa bapo beteta eta euriarengandik babesteko karpak atzera eta aurrera mugituta, musikazaleek Total Distorsion, Letagin eta 112 taldeen kontzertuaz gozatu dute.
Gaur, zapatua, herri kirolen erakustaldia egin dute, 12:30ean hasita. Ondoren, paella jango dute auzo bazkarian, eta bingoa eta irrintzi txapelketari egingo diote tartea. Domekan, azkenik, umeentzako jolasak, meza eta dantzaldia egongo dira. Azken hori 12:30ean izango da, Txikitxu-Arrostaitz taldearen eskutik
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.