Aurrez aurreko ikastaroetan zein online bidezko ikastaroetan parte hartzeko, iraila amaitu aurretik eman beharko da izena. Horretarako, hainbat bide daude: Arrasateko Udal Euskaltegian bertan (Kulturola eraikinean, Nafarroa etorbidea, 2); 943 79 70 77 edo 943 25 20 00 zenbakira deituta (370 da luzapena); whatsapp bidez (688 78 09 31) edo euskaltegia@arrasate.eus-era idatzita.
Aipatzekoa da Arrasateko Udalak dirulaguntza bereziak emango dituela aurten ere. "%85eko asistentziarekin, bermatuta izango du ikasleak matrikularen %25eko dirulaguntza. Horrez gain, ikaslearen baldintza ekonomiko eta familiarren arabera, ikasleari matrikularen %75 eta %100 artean ere itzultzeko aukera izango da", azaldu dute udal ordezkariek. Dirulaguntza horiek ikasturte amaieran emango dituzte.
Ikasle, langabe eta erretiratuek prezio erdian ordainduko dute matrikula, eta izena ematen duten pertsona guztien artean bi matrikula zozketatuko dira.
