Larunbatetik geldi
Joan den larunbatetik dago erabili ezinik Ferixalekuko igogailua, eta astebeteko konponketa lanak aurreikusten dituzte. "Abisua jaso bezain laster jakinarazi genion matxura zerbitzu teknikoari, eta igogailua ikuskatu ostean, trakzio kablea apurtu dela baieztatu dute. Kablearen hornidura heldu bitartean, eta lanek eskatzen duten denbora kontutan izanda, astebeteko konponketa lanak aurreikusi ditu enpresak, beraz, tarte horretan, itxita jarraituko du igogailuak", adierazi dute Udaletik.
Bestalde, Bizkaia etorbidean dagoen Gorostizako igogailuan beheko sarrerako lurrari "tratamendu bat aplikatuko zaio", eta, ondorioz, itxita egongo da bi egunez bihartik hasita, hau da, irailaren 11n eta 12an.
