Aikidoa ezagutzeko aukera izango dute gaur, astelehena, Musakolako kiroldegian, ate irekien jardunaldian. "Lehiakorra ez den arte martziala aikidoa, diziplinatua eta maila tekniko altukoa, zeinetan zen meditazioa, psikomotrizitate jolasak eta gorputzaren koordinazioa aplikatzen diren, pertsona gisa aurrera egiteko eta eskola, gizarte eta familia ikuspegian emaitza hobeak lortzeko", adierazi du Jose Manuel Matas irakasleak.
Ikasturteari begira, klaseak astelehen eta eguaztenetan egingo dituzte, haurrek 17:30etik 18:30era eta helduek 18:30etik 20:30era.
Zapatuan, erakustaldia
Bestalde, irailaren 14an, zapatua Arrasate Aikido Taldeak erakustaldi txiki bat egingo du Biteri plazan, 10:30etatik 12:00etara. "Bertaratzen diren ikusle guztiak gonbidatuko ditugu edonori irekitako entrenamendu batean parte hartzera, txikiak edota helduak, edozein adinetakoak".
