Mondragoneko lehendakariorde izendatu dute Bixente Atxa oñatiarra eta, aldi berean, baita ikastetxeak, unibertsitatea eta zentro teknologikoak integratzen dituen ezagutza dibisioko zuzendari orokorra ere. Mondragon Unibertsitateko errektorea ere bada 2015az geroztik, baina ez dio uko egingo ardura horri, adierazi baitu guztiak egingo dituela bateragarri.
Ezagutza dibisioari dagokionez, 2.000 pertsona inguruk egiten dute lan, 150 milioi euroko aurrekontu agregatua du, eta honako zentroek osatzen dute: Arizmendi ikastola, Lea Artibai ikastetxea, Txorierri Politeknikoa, Mondragon Goi Eskola Politeknikoa, MU Enpresagintza, Huhezi, Mondragon Unibertsitatea, Ikerlan, Lortek, Leartiker eta MIK.
Iñigo Laskurain
Kongresuko Batzorde Iraunkorrak Mondragoneko lehendakariorde izendatu du Iñigo Laskurain eibartarra ere; horrez gain, automazio dibisioko zuzendari nagusia izango da azaroaren 1etik aurrera.
