Arrasate Zientzia Elkarteak zoriondu egin du Udala, Uribarriko (Tellerixe Auzoa) teileria labea berreskuratzeagatik. "Izan ere, horrek esan nahi du gure ondareko elementu berezi bat berreskuratu eta balioztatu dela, hondatzeko eta desagertzeko mehatxu handiak baitzituen", azaldu dute.
Hori dela eta, eskerrak eman dizkiote Udalari. "Eskerrik asko teileria labea Arrasateko ondare gisa berreskuratzeko eta sendotzeko egin dugun proposamena aintzat hartzeagatik, eta espero dugu laster gaitu eta finkatuko dela, Uribarri auzoan egingo diren bisita gidatuen testuinguruan jendeari erakusteko".
