Jasone Mendizabal arrasatearra izango da aurrerantzean Soziolinguistika Klusterreko lehendakaria, 2021eko irailetik kargu horretan zen Mertxe Mugikaren lekukoa hartu baitzuen pasa den astean. Batzar orokorra egin zuten, eta batzordean aldaketak egiteaz gainera, eskuartean dituzten proiektuen ildoak zehaztu zituzten euskararen biziberritzearen lehentasunekin lerrokatzeko. "Uda ostean abian jarriko den hausnarketa estrategikoaren aurrekaritzat baliatu zen ariketa. Parte hartzaileak talde txikietan bildu ziren elkarrekin eztabaidatu eta hausnartzeko. Oinarri bezala baliatu ziren hainbat erakunde eta gogoetagunek euskararen biziberritzearen lehentasunen inguruan argitaratu izan dituzten dokumentuak".
Batzordekideen gainontzeko aldaketei dagokienez, Maite Asensio –Hezten– izendatu zuten lehendakariorde, eta Miren Segurola –UEMA– diruzain.
