Bailarako bi taldek jendetza erakarri zuten atzo gauean Arrasateko gaztetxera, Txosna Batzordearen sanjuanetako egitaraua zabaltzeko antolatutako kontzertuekin. Kaparrak izan zen gauari hasiera eman ziotenak, eta talentuaz gain umorea ere ez zaiela falta erakutsi zuten. Izan ere, gero erreleboa hartu zieten Añube taldekoez jantzita hasi eta bukatu zuten euren emanaldia.
Añubekoentzat gau berezia zen atzokoa; kaleratu berri duten Errautsetatik loratzen bigarren lanaren aurkezpena, hain zuzen ere. Eta ez zuten hutsik egin, ordurako bero zegoen gaztetxea ia leherraraziz. Lehen laneko eta bigarreneko abestiek jo zituzten, besteak beste Neomak taldeko Leire Etxezarretarekin batera.
