Guztira, 100 haurretik gorak hartu dute parte San Juan jaiak badatozela iragarri duen haurren danborradan. Sei konpainiak hartu dute parte; horietako hiruk barrilak jotzen eta beste hiruk danborrak jotzen, eta haur txikitxoen beste talde bat ere izan da etxetik ekarritako danborrekin parte hartuz.
Kulturolatik hasi dute haurren danborradako ibilbidea. Biteritik pasata, Garibaitik joan dira Maalako biribilgunera, eta hortik Erdiko Kalea igaro ondoren, guztiek plazan bukatu dute danborrada.
Kale ertzak jendez beteta izan dira aurtengoan ere haur eta gaztetxoen danborradaz gozatzeko eta kantuetan bi berrikuntza izan dira; izan ere, Mondraren ereserkia eta Txalaparta kantuak estreinatu dituzte aurten haurren danborradan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
