Hilabeteko hirugarren zapatuarekin bat eginez, bertako produktuen azoka egingo dute ekainaren 15ean Seber Altuben, 09:00etatik 14:00etara, eta txakolina izango da protagonista nagusia.
Ohiko postuez gain, hilabete honetan, Debagoieneko txakolina izango da protagonista azokan eta bi ekoizle egongo dira, Oñatikoak biak: Belaskua eta Murgialdai. Hala, bertako txakolina dastatu eta erosteko aukera izango da.
Erosketa tiketarekin, bertako gazta pintxoak ere emango dituzte doan, Etxezuri, Mendibitzu eta Arangurengo gaztak, hain zuzen –ardi gazta, gazta urdina eta ahuntzarena–. Gainera, erosketa tiketak ere balioko du bost txakolin loteren zozketan parte hartzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
