Biolur elkarteak, beste eragile batzuren laguntzarekin, bultzatutako proiektua da Amillubi Lurra Taupaka. Laborantza ekologikoaren alde egitea du helburu, "lur emankorrak ondasun kolektibo bilakatuz, Elikadura Burujabetzaren bidea, estrategia praktikan lantzen joateko asmoz". Kulturateko Loramendi gelan aurkeztuko dute gaur, astelehena, 19:00etan.
Zestoako Amillibia baserriko lurretan dago proiektua kokatuta. Amillibia baserria eta bere lurrak eskuratzea da ekimenaren lehenengo helburua eta horretarako 390.000€ lortu behar dituzte hurrengo bi urteetan. Asmo horrekin hainbat ekintza jarri dituzte martxan, besteak beste, internet bidezko crowdfounding edo diru bilketa.
Ekimen hau amaitzeko egun gutxi falta dira, eta herriz-herri ari dira proiektua aurkezten; gaur, astelehena, Arrasateko Kulturateko Loramendi gelan, 19:00etan, izango dira Amillubi talde eragileko kideak egitasmoaren gaineko azalpenak ematen.
