Boikota, Desinbertsioak eta Zigorrak. Horixe da kanpainaren izena. Arrasaten ere sortu dute aldarrikapenekin bat egiten duen talde bat eta talde horrek egin du deialdia egubakoitzerako. Modu horretan, Douglas dendaren aurrean elkartuko dira maiatzaren 24an, 19:00etan.
Produktu hori saltzeak eta banatzeak okupazioaren ekonomia, apartheida eta palestinar herriaren genozidioa bultzatzen duela nabarmendu dute deitzaileek. "Hori dela eta, produktu hori dendatik kentzeko eskaera egin genien eskutitz bidez. Arduradunak epe bat eskatu zigun hau guztia tramitatzeko. Behin epea pasa, eta arduradunarekin hitz eginda, bere horretan jarraitzeko hautua egin du enpresak. Eskutitzean adierazi bezala, Douglasen aurkako boikot kanpaina abiarazi nahi dugu Arrasaten", adierazi dute.
Horregatik, eta produktua kentzeko presioa egiteko, mobilizazioan parte hartzeko dei egin dute.
