Zerbitzuaren arduradunek adierazi dute jarduera fisiko erregularrak osasunerako dituen onurak asko direla: "Gaixotasun kronikoen arriskua murrizten du mugimenduak, hala nola, gaixotasun kardiobaskularrak, hipertentsioa, II. motako diabetesa, koloneko eta bularreko minbizia…".
Bizi aktibo horretan ekiteko orientatzaile profesionalen laguntza garrantzitsua dela gaineratu dute. Eta aholku indibidual eta pertsonalizatuak jasoko dituzte erabiltzaileek zerbitzu horren bidez, "norberaren beharrizan eta aukeren arabera". Horrez gain, ariketa fisikoa taldean egiteko aukera ere eskaintzen da.
Adineko pertsonei bideratuta
Egitasmo horretan adin guztietako pertsonek parte har dezaketela adierazi dute Udaletik baina, bereziki, pertsona nagusiei bideratutako programa da. Orientazio pertsonalizatua emateaz gain, taldean egiten diren irteera eta aktibitateak izango dira: "Talde giroa bultzatuko da eta nagusiengan oso ohikoa den bakardadeari aurre egin".
Deialdi irekia maiatzaren 28rako
Bagoiez Arrasate kirol orientazio zerbitzua ezagutzeko deialdi irekia egin dute maiatzaren 28rako. Interesa duen edonork parte hartu ahal izango du. Horretarako, Musakolako kiroldegira jo beharko dute, 10:30ean.
Antolatzaileek eskatu dute aldez aurretik izena emateko Musakola kiroldegira joanda edo 943 25 20 30 telefono zenbakira deituta.
