Gernika-Palestina ekimen herritarrak deituta Euskal Herri osoko 50 herritan baino gehiagotan egin dira elkarretaratzeak gaur eguerdian, tartean, Arrasaten, Bergaran, Elgetan eta Aretxabaletan.
Arrasaten, esaterako, "Palestina Askatu! Genozidioa gelditu!" zioen pankartaren inguruan eta hainbatek Palestinako banderak zeramatzatela bildu dira herritar ugari Herriko Plazan. 12:30etan hasi da elkarretaratze isila, eta ordu erdiren buruan bukatu da.
Bergaran, San Martin Agirre plazan egin dute mobilizazioa SOS Rafah pankartarekin, eta Aretxabaletan udaletxe aurreko plaza izan da elkarretaratzerako gunea.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
