Martitzeneko saioan ikasturte osoan landutako gaiak azaldu zizkieten haurrek Maider Morras alkateari eta Gladys Fernandez Belaunaldiartekotasun zinegotziari. Herria hobetzeko hainbat proposamen landu dituzte, besteak beste, osasunarekin eta kirol instalazioak hobetzearekin zerikusia dutenak. Ikasturtea amaitzen ari dela eta, Haurren Kontseiluak bere azken saioa egingo du datorren maiatzaren 24an, aurten egindako lana baloratu eta amaiera jaia ospatuko dute.
Hitzordua aprobetxatuz, haurrek udaletxea ezagutzeko eskatu zioten alkateari, eta bisita gidatu bat egiteko aprobetxatu zuten. Udal sailak eta funtzionamendua ezagutzeaz gain, alkatearen bulegoa eta udaletxeko balkoia bisitatu zituzten.