AEDk gonbidatuta, eta Udaleko Kultura Sailaren laguntzarekin, Laburbira zirkuituko euskarazko zortzi pieza proiektatuko dituzte, eta horietako hainbat mundu mailako zinema jaialdietatik pasa dira dagoeneko. Emanaldia martitzenean izango da, 19:30ean, Amaia antzokian. Sarrerak salgai daude antzokiko leihatilan eta udal webgunean, 5 eurotan.
Horrez gain, AEDk eta AGAKOk hika, noka zein toka ezagutu eta ikasten hasteko tailerra antolatu dute elkarlanean. Bi saio izango dira, maiatzaren 25ean eta ekainaren 1ean, 10:00etatik 13:00etara, gaztetxean. Izen-ematea maiatzaren 20ra arte egin daiteke, aed@aedelkartea.eus helbidera idatzita; plaza mugatuak izango dira.
