Euskal Mendizale Federazioa mendeurrena ospatzen ari da eta, horren baitan, 100 urte 100 mendi ekimena abiatu du. Hala, urteak adina tontor igoko dituzte asteburuan, goian talde argazki bat ateraz, eta horietako bat Udalatx izango da. Arrasatearrek domekan dute horretarako hitzordua.
Euskal Herriko ehun mendi talde baino gehiago igoko dira zazpi herrialdeetatik aukeratu dituzten 100 tontorretara. Horietako bat Udalatx izango da eta Besaide Mendizale Elkarteak antolatu du igoera. Modu horretan, apirilaren 28an, domeka, Udala auzoan elkartuko dira, 09:00etan, eta Udalatxera igoko dira. Ondoren, 12:00etan, talde argazkia egingo dute, urteurreneko banderarekin, Asensio lepoan –bi gurutzeen arteko lepoa, ermita egon zen tokia–.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
