Urtero bezala Arrasateko Ttakun elkarteak bultzatuta Txotxparta ospatu zuten atzo Iturrietan; 35 lagun inguru elkartu ziren Arrasaten, eta 20:30ean autobusez abiatu ziren sagardotegira.. Gorka Zubizarreta Ttakun txalapartako kideak, sagardotegian "giro ederra" izan zutela adierazi du: "pandero, txalaparta, trikitia, adarra eta beste hainbeste izan genituen". Ttakun txalapartako kideak ez ezik, Faltzesko txalapartariak ere izan ziren afarian.
Taldea handitzen
"Pasa den urtean 15 ttakunkide-z osaturik zegoen taldea, eta aurten beste 15 inguru batu zaizkigu, inoiz baino jende gehiago animatu da txalaparta elkartera", dio Gorka Zubizarretak. "Baliteke horren arrazoietako 2023ko urteurrena izatea", aitortu du ttakunkideak, izan ere, aurreko urtean 30 urte bete zituen txalaparta taldeak, eta Arrasateko kaleetan zehar hainbat emanaldi eskaini zituzten.
