Gurutze-bidea egin dute gaur goizean fededunek Arrasateko kaleetan, Ostiral Santuaren harira; hain justu, hamalau geldialdi egin dituzte bidean, Jesusen gurutzatzearen aldi guztiak gogoratzeko. Horazio Argarate apaizaren gidaritzapean, 08:00etan atera dira Portaloitik, eta 09:30ak alderako iritsi dira Santa Barbara parkera. 80 herritar inguru gerturatu dira, eta txandakatu egin dituzte Bibliako pasarteen irakurraldiak eta aurrealdean zeramaten gurutzea.