Zapatuan 40 urte beteko dira GALek Xabier Perez de Arenaza arrasatearra Miarritzen tiroz hil zuenetik eta, urteurren horren baitan, hura oroitzeko ekitaldia antolatu du Egiari GALde dinamikak. Modu horretan, 19:00etan Kulturateko klaustroak memoria ekitaldia hartuko du.
"1983an abiatu zuen GAL taldeak bere ibilbide bortitza, eta 1984ko martxoaren 23koa ez zen GALen lehenengo ekintza izan, ezta azkenengoa ere, gutxienez 83 lagun hil baitzituzten hark eta beste zenbait taldek", nabarmendu dute dinamikako kideek. "Bada garaia egiari galde diezaiogun, herri memoria gal ez dadin", gaineratu dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.