Eritasun batekin edo gehiagorekin bizi diren edo bizi izan diren pertsonak dira Nire ongizate emozionala zaintzen tailerraren dinamizatzaileak, Osakidetzak monitoretzat izendatu baititu Paziente Bizia programaren baitan. Hala, haien esperientziak partekatuko dituzte tailerrean, "osasuna zaintzeko daude moduak zeintzuk diren ezagutzeko".
Tailer horrez gain, beste hiru ere egingo dituzte, formatu berean: Nire diabetesa zaintzen; Minbizia izan ondoren nire osasuna zaintzen; Nire ongizate emozionala zaintzen; eta Nire bihotz-gutxiegitasuna zaintzen. Are gehiago, bi ikastaro ere egingo dira: Entrenamendu aktiboa eta Neure burua zaintzen, besteak zaintzeko. Halere, horiek guztiak Araba, Bizkai eta Gipuzkoako beste osasun etxe batzuetan izango dira, ez Arrasaten.
Izena eman nahi izanez gero, Osakidetzako webgunearen bitartez egin daiteke. Zalantzak argitzeko eta informazio gehiago eskuratzeko, berriz, bi bide daude: 943 006 551 edo pacienteactivo@osakidetza.eus.
