Jose Manuel Matas Aikido Arrasateko entrenatzaileak azaldu duenez, bi orduko topaketa izan zen. "Motza, baina intentsitate handikoa. Norbere buruarekin bakean bizi ahal izateko balioak, diziplina, eta errespetua izan genituen ardatz". Horrez gain, meditazio teknikak eta ariketak egin zituzten, estresa kanalizatzeko. "Azkenik, aikidoko oinarrizko teknikak ere egin genituen. Hori guztia, psikomotrizitate eta psikologia jolasekin batera, gorputza eta adimena landuz".
