Musika erdigunean jarrita, asteburu betea dute Arrasateko gaztetxean. Batetik, bihar, egubakoitza, Palestinaren aldeko kontzertu solidarioa egingo dute, 22:00etan hasita. 112, Dirty Old Gasteiz eta Berandu Baino Lehen taldeak ariko dira oholtza gainean; sarrera bost euro izango da. "Sarreretatik lortutako dirua palestinar herriaren aldeko borroka finantzatzeko izango da", azaldu dute AGAKOko kideek.
Zapatua, bestalde, EguzkiFest jaialdia egingo dute, 22:30ean hasita. Honako musikari hauek ariko dira: Txandal Vandals, Anixe, Pxli.721, An2an, Brgs eta Loreak; sarrera bost euro izango da.
Azkenik, martxoaren 21ean, eguena, Libe Garcia de Cortazar Libe musikariak hartuko du gaztetxeko oholtza, Kooltur Ostegunen baitan, 22:00etan; sarrera zazpi euro izango da.
