Bilbon egin dute elkarretaratze nagusia Euskalgintzaren Kontseiluak deituta, baina Euskaldunon hizkuntza eskubideen aldeko Arrasateko protokoloa-k bat egin du dei horrekin eta herriko plazan, euskararen aurkako azken sententziak salatu eta langile zein herritarren eskubideak aldarrikatu dituzte.
Elkarretaratzea deitzeko arrazoia, Bilboko Administrazioarekiko Auzien 3 eta 6 zenbakiko epaitegiak, Bizkaiko Foru Aldundiko 227 lanposturen egonkortze, promozio eta esleitze prozesuak baliogabetzea izan da. Sententzia honek, lanpostu publikoa eskuratzera zihoazen berrehundik gora langilerengan izan du eragina, baina, horretaz gain, protokolotik salatu dute, sententzia honek, langileez gain, "hizkuntza eskubideei" kaltetzen diela.
Era berean, duela hilabete batzuk Gipuzkoako Uliazpi fundazioaren, Gipuzkoako Foru Aldundiaren edota Irungo udaltzaingoen kasuak ekarri dituzte gogora, erakunde publikoen hizkuntza politika deuseztatzea nahi duen oldarraldi "orkestratu" baten aurrean gaudela salatzeko.
