Hamalau kontzertu izango dira aurten Mondra&Roll jaialdian, antolatzaileek jakinarazi dutenez. "Aurten ere edizio arrakastatsu bat osatzera goaz. Azken bi urteetan edukitako arrakastaren ondoren, baieztapen berri eta indartsuak aurkezten dizkizuegu". Haien arabera, modu horretan, "Europa osoko punk-rock jaialdi garrantzitsuenetako baten lekuko" izango da Arrasate, beste urte batez.
Kontzertuei dagokienez, Cock Sparrer, Sham 69, The Baboon Show, High Vis, Bad Nerves, Madball, Roy Ellis, The Chisel eta Les Testarudes musika taldeak izango dira oholtza gainean nazioartetik; Brigade Loco, Kaleko Urdangak, Larru Beltzak, Kontralde eta Arene 6 taldeak, berriz, Euskal Herritik. Arene 6 taldean izan ezik, gainera, gainontzeko lauetan musikari debagoiendarrak daude.
Sarrerak salgai
Gaur-gaurkoz, 65 euroko prezioa du bi eguneko bonoak, baina eskaintza berezia da; martxoaren 5era arte izango da martxan. Hemen erosi daitezke sarrerak.
