Musakolako institutuko patioan abiatu zuten Txatxilipurdik antolatzen duen ludoteka ibiltaria. Orain, San Andres auzora mugituko dute ludoteka, eta martxoaren 2tik aurrera Arimazubi plazan elkartuko dira. Hilabetez, zapaturo egongo dira han txatxilipurdiko kideak. Ordutegia mantendu egingo da, horrenbestez, 11:30etik 13:30ak arte izango dira bertan. 3 urtetik 12 urtera arteko haur eta aurre-nerabeek hartu dezakete parte. Hauekin batera beraien arduradun edo gurasoak ere joan daitezke.
Ludoteka ibiltariaren hurrengo geltokia Erguin auzoa izango da, eta apirileko zapatuez gain, maiatzeko lehen zapatua ere bertan egongo dira.
