Aita Menni ospitalearen 125 urteko ibilbidea jasotzen duen erakusketa bat osatu berri dute, eta ikusgai da Arrasateko osasun zentroan. "1898az geroztik, Aita Menni euskal gizartearekin batera bilakatu da, zerbitzuak handituz; buru osasunaren ikuspegi tradizionaletik harago, arreta modernizatuz eta kalteberatasun maila handia duten biztanle sektoreetan edo gizarte bazterkerian dauden pertsonengana iritsiz".
Bada, antolatzaileek azpimarratu dute hori guztia jaso dutela erakusketan; ospitaleko erabiltzaileentzat ez ezik, euren senideentzat eta, oro har, herritar guztientzat dago zabalik.
125. urteurrena
Benito Menni apaizak orain dela 125 urte erosi zuen Arrasateko Santa Agedako bainuetxea, asistentzia psikiatrikoko zentro bihurtzeko, eta Araba, Bizkai eta Gipuzkoako lehena izan zen, ospitaleko kideen arabera. "1898ko ekainaren 1ea, Añibarro doktorearekin, San Juan de Dios-eko kideekin eta 50 gaixorekin batera, Santa Ageda Osasun Etxea inauguratu zuen Benito Mennik. Garai bateko bainuetxea Euskadiko lehen asistentzia psikiatrikoko zentroa izan zen".
