Hain justu, gaur inauguratuko dute jaialdia, Kulturaten, 18:00etan, Charo Pitak eta Odei Arregik haurrentzako ipuinak hizpide hartuta. Datorren asteazkenean, publiko helduari zuzenduko zaio Aldo Mendez kubatarra, toki berean, 19:00etan hasita. Munduaren ikuskera poetiko bat adierazten maisua da Gaztela-Mantxan bizi den kontalaria.
Haurrentzako ipuinak Santa Marinako liburutegian entzuteko aukera ere eskainiko du Ahoz Aho jaialdiak; hilaren 28an izango da hori, 18:00etan, Ane Gebararen eta Nelson Calderonen eskutik, euskaraz eta gazteleraz.