Ikastaro berria antolatu du Ekin Emakumeak Elkarteak

Iñigo Barrena Kortabarria 2024ko ots. 12a, 14:39
Hiruhile onetarako ikastaro berria da Biodantza Hardun Bikotean. Argazkia: Ekin Emakumeak

Biodantza Haurdun Bikotearekin ikastaro berria antolatu dute hiruhileko honetarako; guztira zortzi saio izango dira.

Arrasateko Ekin Emakumeak elkarteak ikastaro berri bat antolatu du hiruhile berrirako: Biodantza Haurdun Bikotearekin. Guztira zortzi saio izango dira eta bi zatitan banatuko da ikastaroa, haurdunaldian eta, ondoren, haurra jaiotakoan. Biodantza Haurdun Bikotean ikastaroaren datak, martxoaren 9a eta 23a, eta apirilaren 13a izango dira, goizeko 10:00etatik 13:00 bitartean.

Behin haurra jaiotakoan, berriz, gainontzeko bost saioak egingo dituzte. Jaio berriei ongi etorria eman eta biodantza porteoarekin saio bat egingo dute; Haur masajeei lotutako saioak lau izango dira. Saio hauen datak, haurrak jaiotzean zehaztuko dituzte eta bi ordukoak izango dira. Saioen dinamizatzailea Idoia Biteri izango da eta Merzedarixen eskolan egingo dituzte.

Izena emateko Ekin Emakumeen elkartean bertan egin daiteke, 943 79 83 70 edo 651707936 telefonoetara deituta, edo, emakumeakekin@emakumeakekin.eus helbidera idatzita. Ikastaroen prezioa 325 eurokoa da, bazkide direnek, berriz, 315 euro ordaindu beharko dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak