Maria Osesek idatzitako gidoia du eta Iholdi Beristain aktoreak antzezten du. "Maria Isabel naiz ni eta dramak kontatzera nator; betiere, umoretik. Izan ere, umorea tresna oso potentea iruditzen zait nahi duguna esateko. Ez ditut gauza arraroak edo ezohikoak kontatzen, egunerokotasuneko kontuak baizik. Umoretik eta mediokridadearen apologia garbia eginez", dio Beristainek.
"Dibertigarria"
AEDk aurrez sortutako bakarrizketak bezala, ez da stand up formatuko saioa, antzerkiko osagaiak ere badituelako. "Dibertigarria da, eta ondo pasatuta hausnartzera bultzatzen du. 15 urtetik gorakoentzako gomendatzen dugu; gazteek hurbilago sentituko dute kontakizuna, baina helduentzako ere aproposa da, gure paperean sartzeko.
