"Erakusketak gure historiaren mugarri garrantzitsuenak aztertzen ditu, Euskal Herriko historiaren gakoak eskainiz: euskaldunen habitata eta lurraldetasuna, mugarri izan diren datak, pertsonaiak eta gertaera garrantzitsuak, modu grafiko argi eta atseginean kontatuak", azaldu dute antolatzaileek.
Bukatzean, iaz bezala, ikastetxeetako ikasle eta irakasleei balorazioa eskatuko diete eta, positiboa bada, ikastetxeen adostasunarekin, datorren urtean ere jarraipena emango liokete jarduerari. "Orain, etorkizuna dugu amets eta ardura, baina etorkizuna ez da inoiz heltzen orainaren forman ez bada, eta oraina ulertzeko ezinbestekoa dugu iragana ondo ezagutzea", azpimarratu dute.
