EH Bilduren lehendakarigai izendatu berri duten Pello Otxandiano Kanpo Arrasateko Bilgunean izango da urtarrilaren 25ean, 19:00etan hasita. "Egoera politikoaren inguruan hitz egin eta hausnartzeko aukera izango da, Otxandianoren proposamenak ezagutu eta elkarren artean kezkak eta gogoetak partekatzeko", azaldu dute EH Bildutik.
EH Bilduk Arrasaten duen Bilgunean izango da saioa –Zurgin kantoiko 5. zenbakian–. "Pello Otxandiano ezagutu, solasaldian parte hartu, eta ondoren
eztabaida eta solasaldiak mokadutxo bateaz jarraitzeko aukera izango da", nabarmendu dute.
EH Bilduko kideek duela bi aste berretsi zuten Pello Otxandiano Kanpo koalizioaren lehendakarigai, %94ko babesarekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.