Euskal Autonomia Erkidegoko DBHko, batxilergoko eta Lanbi- de Heziketako ikasleei eta irakasleei zuzendutako Neska eta Emakume Zientzialarien Nazioarteko Eguna ospatuko dute otsailaren 9an Garaia Parke Teknologikoak eta Mondragon Goi Eskola Politeknikoak (MGEP). 10:00etan hasita, ordubeteko saioa izango da eta hiru atal izango ditu: sarreraren ostean, MGEPren eskutik, Genero ikuspegia proiektuetan nola txertatu hitzaldia egingo dute Arantxa Gonzalez de Herediak eta Arrate Alonsok; horren os- tean, ikasleei zuzendutako erronka azalduko dute; azkenik, hain- bat enpresaren kasu praktikoak ezagutuko dituzte ikasleek.
Bestalde, MUko laborategietara bisita gidatuak antolatu dituzte otsailaren 12ko asterako, hango egunerokotasuna ikertzaileen eta irakasleen bidez ezagutzeko. Otsailaren 14an Arrasateko Iturripe Campusa ezagutu ahal izango da; izena eman behar da. Informazio osoa, www.ptgaraia.eus atarian.