Ertzaintzaren esanetan erorikoa 11:30ak bueltan izan da, orduan jaso dute eta deia SOS Deiak 112 zerbitzuan esanaz Udalatx mendia jaisten ari zen lagun batek istripua izan duela. Gipuzkoako suhiltzaileak, Ertzaintzaren Zaintza eta Erreskate Unitateko helikoptero bat eta mendi saileko kideak joan dira hara orduan.
Eguraldiak –haizeak eta hodeiek– baldintzatu dute erreskatea, ezin izan baitute helikopteroa erabili. Hala, zauritua ohatilan jaitsi dute Kanpanzarko harrobiraino. Anbulantzia batek jaso du han, 16:30ak inguruan, "itxuraz hanka hautsita" zuen mendizalea eta Gasteizko Txagorritxu ospitalera eraman du.
