Urte berrian sartuta ere, Koolturrek emanaldiak eskaintzen jarraituko du eta urtarrileko eguen guztietan egongo da ekitaldiren bat edo beste Arrasateko gaztetxean gaueko hamarretatik aurrera. Sarrerek zazpi euro balio dute.
Kooltur Ostegunak ekimenaren baitan urteko lehen kontzertua Zarautz eta Orion jaiotako Ithaka taldeak emango du. Urtarrilaren 11n, berriz, Irantzu Varela igoko da oholtzara eta Señorcidio bakarrizketa eskainiko du.
Urtarrilaren 18an Ezpalak talde zestoarren txanda izango da eta hilabetea Berako Harat taldearekin itxiko du Koolturrek urtarrilaren 25ean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.