Abenduaren 31n izango da Arrasate Musikaleko Bandaren Gabon Zaharreko kontzertua 13:00etan Amaia Antzokian. Lau abestiko saioa izango da eta Bandarekin batera Goikobalu Abesbatza eta Txorbela Otxoteak bi kantu interpretatuko dituzte.
Kontzertua doakoa da, baina sarrera beharko da sartzeko. Hilaren 28an 18:00etatik 19:30era eta hilaren 30ean 10:30etik 12:00etara hartu ahal izango dira Amaia Antzokiko leihatilan. Pertsona bakoitzak sei sarrera eskatu ditzake, gehienez ere. Soberan gelditzen diren sarrerak, kontzertuko egunean jarriko dira eskuragarri Amaia Antzokiko txarteldegian.
Arrasate Musikalek eskatu die sarrera eskuratzen dutenei "arduratsuak" izan eta kontzertura joateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
