Minutu bateko isilunea izan da ligako hamahirugarrren jardunaldiko partidua hasi baino lehen. Mondrako jokalari Xabat-en amonaren heriotza dela-eta, minutu bateko isilunea egin, eta, bera izan da sakea egin duena.
Gol festa, lau gol lehenenego zatian eta bat bigarrenean
Partidua hasi bezain pronto iritsi da lehenengo gola, kapitainaren eskutik. Laugarrren minutuan, Iñigo Arizmendiarrietak sartu du gola, eta, jarraian iritsi dira hurrengo golak. Bigarrena ere Arizmendiarrietak sartu du, 28. minutuan; hirugarren gola Iker Perezek 36. minutuan, eta laugarren gola, berriz, Andoni Etxeberriak 40. minutuan. Hala amaitu da lehenengo zatia.
Bigarren zatian ere arrasatearrak izan dira uneoro partiduan nagusi, eta, beste lau gol sartzeko aukera garbiak izan dituzten arren, gol bat gehiago sartzea lortu dute. Hain zuzen ere, 81. minutuan Andoni Etxeberriak sartu du bosgarrena eta azkena.
Gorengo mailako emaitzak
Antzuolak 0-5 galdu zuen Bergara B taldearen aurka; Aretxabaletak 0-1 Urkiren aurka; eta Aloña Mendik 1-2 galdu du Seguraren kontra. Emakumezkoetan, berriz, 3-2 galdu du Bergarak Goierriren kontra.
Erregional Ohorezko maila
UDA da lider 33 punturekin, nahiz-eta asteburuan Eibarren kontra 1-3 galdu duen. Bergarak bana berdindu du Deusturen aurka, eta, beraz bosgarren postuan dago sailkapenean. Emakumezkoetan, berriz, 2-1 garaitu du Debagoienak Hernani, putzutik ateratzeko urrats bat emanez. Sailkapenean, sei punturekin azken aurreneko postuan dago.
