Gipuzkoako Foru Aldundiaren zainketa lanen "paradigma berri bateranzko trantsizioan" murgilduta dago eta Gipuzkoa 2020-2030 Agendaren barruan arreta emateko modu berriak sortu nahi dituzte, "berrikuntzatik abiatuta, sare komunitarioak indartuz eta pertsonak ekintza ororen erdigunean jarriz".
Hortik abiatuta, Zuk jakitea nahi dut... gida sortu da zainketak planifikateko, pertsona bakoitzaren lehentasunak kontuan hartuta. "Egunerokotasunean edo aldaketa-uneetan erabakiak hartzea errazteko balio duen tresna da, pertsonei, haien familiei, lagunei edo haiei laguntzen dieten profesionalei zuzendutako jarraibide sinpleen bidez. Entzuteko eta pertsona bakoitzaren balioak, nahiak eta beharrak errespetatzeko aukerak sortzen ditu, eta horiek funtsezkoak dira zainketen pertsonalizazioan aurrera egiten jarraitzeko", azaldu dute Gipuzkoako Foru Aldunditik. Dokumentua irekia da, eta bakoitzak norbere lehentasunen arabera bete dezake.
Era berean, Aldundiak harremanetarako telefonoa –943 24 48 35– eta helbide elektronikoa –zukjakiteanhaidut@gipuzkoa.eus– jarri ditu martxan. Gainera, dokumentua deskargatu daiteke Gizarte Politiketako Departamentuaren webgunean.
