Eguna, Ttakun Txalaparta elkarteak eskainitako, doako txalaparta ikastaroarekin ekin diote, Ttakun taldeko Naiara Okina eta Antton Martinez, izan dira saioa aurrera eraman dutenak. Ttak taldeko hainbat kide bertaratu dira txalaparta soinuez gozatu eta ikastera.
13:00ak aldera amaitu dute ikastaroa, eta honen ostean, Gaztetxean antolaturiko bazkaria egin dute, ia 20 pertsona izan dira bazkarian. Gorka Davila, Ttak taldeko kide, eta egunaren antolatzaileetako batek eguna ondo joatea eta jendea animatzea espero duela adierazi du: "Gazteak animatzea espero dut, goizalderako eginak ditugu zenbait fitxaje, baina, arratsalderako jende gehiago izatea espero da. Arratsalderako hainbat kontzertu antolatu ditugu Gaztetxean, eta Oñati eta inguruko herrietatik jendea etorriko dela uste dugu".
Gaztetxeko kontzertuak
"3 euro balioko ditu kontzertuetarako sarrerak, eta 21:30ean zabalduko dira ateak, orduan hasiko gara ere tiketak saltzen". Gauean, hainbat kontzertu izango dira Ttak-ek antolatuta: Malko, EIRE, Muxutruk erromeria eta Maixa eta Aulkia taldeak.
