San Nikolas eguna ospatzen da gaurko egunez, abenduaren 6an, Arrasaten. Estimatua izaten da eguna herrian, batez ere haurren artean. Aspaldiko ohiturei jarraika, boloak egiten dituzte, eta horrela izan da gaurkoan ere.
San Nikolas eguneko kantua ozen abestu ostean denetariko litxarreriak eraman dituzte etxera herritarrek, 12:30ean izan baita bolo nagusia Herriko Plazan. Udaleko zinegotziak arduratu dira goxokiak balkoitik botatzeaz.
Hala ere, herriko beste hainbat txokotan ere izan dira umeak goizean zehar. Usaetxe plazatik hasita, ibilbide bat egin dute lehendabizi; 12:00etan, berriz, Musakolan izan da boloa; eta azkenik, Herriko plazan.
Goxokirik jaso ez duenak, ordea, izango du horretarako aukera arratsaldean ere. 17:30ean Santa Marina auzoan izango da eta 17:45ean Elma auzoan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
