Endika Donnay arrasatearrak gaur jokatu den Valentziako maratoian parte hatrtu du, lan txukuna burutuz. GOIENAri emandako adierazpenetan aitortu du "oso pozik" dagoela egindako lanarekin eta "helburuak beteta" itzuliko dela etxera: "Kilometroa 3 minutu eta 23 segundora egiteko helburua nuen finkatuta eta lortu dut. Erritmo konstantea mantendu dut lasterketa guztian, nahiz eta gerrialdeko minarekin aritu naizen amaieran. Dena dela, 02:23:11 denbora egitea lortu dut eta oso pozik nago". Egindako denbora honekin, gainera, arrasateko errekorra bi segundotan hobetu du.
Gainera maratoiarekin eta ibilbidearekin harrituta gelditu da Donnay: "Vaelntziako maratoia ibilbide onekoa eta polita zela esan zidaten, eta halaxe da, ikusgarria da".
