Musakolako igerilekuan, Uarkape pilotalekuan eta gaztetxean gauzatuko dute Gabonetako parkea, urtarrilaren 2an, 3an eta 4an, 10:30etik 13:30era eta 17:00etatik 20:00etara. "Haurren heziketan formatuta bazaude, beraiekin aritzea gustatzen bazaizu edota aisialdi eskaintza euskaldun eta hezitzaile baten parte hartu nahi baduzu, ez galdu aukera", nabarmendu dute Txatxilipurditik.
Bestalde, Txikilandian hezitzaile gisa aritzeko derrigorrezkoa izango da abenduaren 29an, egubakoitza, 19:00etan egingo duten hezitzaile bilerara bertaratzea.
Edozein zalantza izanez gero, idatzi i.garai@txatxilipurdi.eus helbide elektronikora edota 943 79 54 46 telefonora deitu.
