Markel Zubizarreta (Arrasate, 1985) izango da aurrerantzean Espainiako Futbol Federazioko emakumezkoen futboleko zuzendari berria. Federazioak jakinarazi dutenez, ibilbide "luzea" du egina arrasatearrak, esate baterako, sei urtez egon baita emakumezkoen FC Bartzelona taldea zuzentzen. "Orain, emakumezkoen futbola sendotzearen eta garatzearen aldeko apustua egingo duen sail bat zuzentzera igaroko da", azpimarratu du RFEF-k.
Eginiko urratsak
Markel Zubizarreta, Andoni Zubizarreta atezain aretxabaletarraren semea, atezain hasi zen futbolean, baina eskularruak albo batera utzi eta Jarduera Fisikoaren eta Kirolarien Zientzietako graduan lizentziatu zen. Kirol Kudeaketako Master bat ere egin zuen, eta 2015ean heldu zen FC Bartzelonara kirol kudeaketaren arduradun izateko; bi urte geroago, ordea, zuzendari bihurtu zen. Datorren urtera arteko ekainera arte zuen lotuta kontratua, baina lehenago hartu zuen erretiroa zeregin horretatik.
