Topaketa horietan egungo gizartean sumatzen dituzten arazoak izango dituzte hizpide. Antolatzaileek adierazi dutenez, orain eurei dagokie Arizmendiarrietaren pentsaerari "leial" izanez, egungo bizitza sozialari begiratu eta aurre egitea.
Azaroaren 21ean Lan duina eta Arizmendi hitzaldia eskainiko du Jesus Maria Herrastik eta hilaren 28an Arizmendiarrietaren aurkezpen espirituala egingo dute Saturnino Gamarrak eta Jose Ignacio Garatek. Bi ekitaldiak Kulturateko Loramendi Gelan egingo dituzte arratsaldeko zazpietatik aurrera. Halaber, azaroaren 26an Arizmendiarrietaren heriotzaren urteurreneko meza egingo dute San Joan Batailatzailea Parrokian, eguerdiko hamabietan.
