Ziorla Kenpoko hiru kide –Luis Alberto Narro, Erik Martin eta Yeray– Espainiako kenpo txapelketan izan dira azaroaren 11an eta 12an, Galizian. Euskadiko txapelketan izandako emaitza onei esker eskuratu zuten Espainiako txapelketarako txartela hirurek ere.
Luis Alberto Narrok senior (+90kg) mailan hirugarren postua eskuratu zuen. Lehen borrokaldian min hartu zuen eta ondorioz, ezin izan zuen hurrengo egunean jokatu zen erdi-kontaktuko borroka kategorian lehiatu.
Erik Martinek, bestalde, bigarren postu bat lortu zuen gizonezkoen senior mailan (Katan). Finalean aurkari izan zuen modalitate honetan munduko txapelduna dena.
Azkenik, Ziorla Kenpotik nabarmendu dute Yerairen lan bikaina, “borroka oso onak egin baitzituen”, etengabeko modalitatean hirugarren postua eskuratuz.
Galiziatik bueltan, Ziorla Kenpo taldeko kideek eskerrak eman gura izan dizkie Kenpo Atama klubeko kideei eta baita Rafa Carriet klubeko presidenteari, emandako babesagatik.