Horiekin batera, Goier programako lehen parte-hartzaileen artean, hauek izan dira topaketan: Iosu Zabala, Mondragon Unibertsitateko errektore ohia; Jose Mari Sagarna; Raul Lizarburu; Xabier Ruiz del Portal; Jose Javier Borda Camin eta Eugenio Guelbenzu Mitxelena. Vicente Atxa Mondragon Unibertsitateko errektorea eta Carlos Garcia Mondragon Unibertsitateko Goi Eskola Politeknikoko zuzendaria ere haiekin izan dira bisitan zehar.
Lehen mugikortasun-esperientziak Frantzian izan ziren, Tolosako Unibertsitatean eta goi mailako ikasketak eta doktorego tesiak egitea ahalbidetu zieten ikasle haiei eta baita ikerketarako bidea ireki ere. Programaren lehen 15 urteetan, 140 ikaslek egin zituzten goi-mailako ikasketak eta, ondorioz, handitu egin zen eskolaren programetako hezkuntza-maila.
"Hainbat urteko esperientzia hori bizitzea erronka handia izan zen. Hizkuntzak finkatu genituen, ingurune konplexuetan moldatzen ikasi genuen, mugikortasunera ohitu ginen, harremanak ezarri genituen erakundeekin eta pertsonekin..." azpimarratu dute ikasle ohiek.
