Ikerfolk elkarteko Ane Albisuren eskutik, santamasetarako jantziak egiten ikasteko aukera egongo da abenduaren 1ean eta 15ean, 16:00etatik 20:00etara, Ekin Emakumeak Elkartearen lokalean. "Gona eta amantala egiten irakasteaz gain, jantziaren beste elementuei buruzko jarraibideak emango ditu. Era berean, gai honi buruzko hainbat testu idatzi dituen irakasle honek bere ikerketetan jasotako informazioa igorriko du", azaldu dute antolatzaileek.
Izena emateko, hiru bide daude: elkartearen lokalean bertan (Pablo Uranga kalea 4, behea), 651 70 79 36 telefono zenbakira deituta edo emakumeak@ekinemakumeak.eus helbidera idatzita. Bazkide ez direnek 80 euroko ordainduko dute izen-ematea eta bazkideek, aldiz, 75 euro.
Era berean, azaroaren 17ko ecstatic dance saiorako lekua geratzen dela azaldu dute elkartetik.
