Saioan zehar, seme-alaba txikiak dituzten gurasoek haien buruari sarri egiten egiten dizkieten hamaika galderari erantzuten saiatuko dira Amonarrizekin: "Nola ikasten dituzte haurrek hizkuntzak? Nola erraztu eta indartu genezake ikasketa-prozesu hori, euskaraz jakin ez arren? Nola lortu euskaraz hitz egin dezaten? Nola lortu euskararekiko jarrera positiboa izan dezatela hizkuntza menderatu eta etorkizunean zailtasunik gabe erabili dezaten?".
Ekintza gaztelaniaz izango da, "euskaraz gutxi edo ezer ez dakiten gurasoengana heldu ahal izateko". Halere, azaldu dutenez, Amonarrizen aholkuak guztientzat izango dira lagungarri.
Hitzaldiak ordu eta erdi inguru iraungo du eta zaintza zerbitzua egongo da aukeran. Zerbitzu hori behar izanez gero, txatxilipurdi@txatxilipurdi.eus helbidera idatzi beharko da azaroaren 13ko eguerdia baino lehen.