Kata eta kumite modalitateetan aritu dira bost karateka: Irati Izurrategik kadete mailan hartu du parte, 54 kiloz azpikoetan; Nahia Barandiaran, junior mailan aritu da, 53 kiloz azpikoetan; Danel Izurrategi, junior mailan, 61 kiloz azpikoetan; Xavier Varteniuc, junior mailan, 68 kiloz azpikoetan eta Iosu Madinabeitia, senior mailan, 67 kiloz azpikoetan. Bestalde, kata modalitatean aritu da Leire Valor.
Esan moduan, Madinabeitia eta Izurrategi izan dira domina eskuratu dutenak, bakoitzak brontzezko domina bat, hain zuzen. Gainontzekoek ere txapelketa ona jokatu dute, Carlos Sanchez entrenatzailearen esanetan, nahiz eta dominarik ez lortu. "Txapelketa batzuetan ez da islatzen entrenamenduetan egindako lan guztia. Edozelan ere, sei karatekak zoriondu gura ditut, egindako lan txukunagatik".